Тони Паркер шокираше: Имавме 59 милиони — плаќаме за грешките на Монако!
Паркер вели дека најавениот буџет од 59 милиони бил реален, но DNCG го стопираше финансирањето — тим со 24 милиони ќе настапи во 2026/27.
Тони Паркер вели дека неговата амбиција да го направи Асвел еден од најбогатите клубови во Европа беше реална, но проектот е одложен поради регулаторни проблеми поврзани со Монако.
Паркер претходно најави буџет од 59 милиони евра и намера да донесе големи имиња — план што требаше да ја промени иднината на клубот. Сега потврдува дека тие средства ги имале, но надворешни потешкотии го променија правецот.
Паркер: проектот не е откажан, само одложен
Во изјава за радиото RMC, Паркер објасни дека Асвел за сезоната 2026/27 формално направил тим со буџет од 24 милиони евра, но дека се надева да се врати на многу поголем буџет следното лето.
Паркер појасни дека во финансирањето требало да учествува малезиски инвестициски фонд, но DNCG — францускиот финансиски спортски орган — го одбила тоа финансирање. Тој истакна дека одложувањето е последица на „грешките на Монако“ и дека клубот не успеал на време да ги заврши барањата пред федералните власти.
„Да, го објавив тој буџет, но тоа е затоа што го имавме. Очигледно ја плаќаме цената за грешките на Монако. Не бевме во можност да завршиме сè што беше потребно на време за да ги задоволиме властите на федерацијата. Проектот ќе се реализира. Штета е што беше одложен за една година, но ја разбирам фрустрацијата на луѓето“, рече Паркер.
Тој додаде дека гледа подолго време: „Ја гледам пошироката слика и размислувам за следните 10 до 15 години. За две или три години ќе ја заборавиме оваа епизода. Во меѓувреме, сè уште имаме многу голем буџет и одличен тим. Ќе бидеме конкурентни и ќе се бориме за трофеи. Не е лесно да се имплементираат големи спортски проекти во сегашните околности“, додаде Паркер.
За личната одговорност тој рече: „Треба да бидеме горди на она што го направивме, а следната година, ако сè оди добро, ќе се вратиме на голем буџет. Разбирам дека луѓето можеби мислат дека брзав, но тоа воопшто не се случи. Не можам да навлегувам во детали поради договори за доверливост. Јас сум на првата линија и ја преземам одговорноста“, рече Паркер.
Фото: прес-материјал од настанот
