Трагедија на детски роденден — мајка убиена пред „Урбан Ер“ во Сакраменто
29-годишната Саманта Ли Кромвел убиена на роденденот на нејзиниот син; напаѓачот Едвард Такер Џуниор уапсен.
Прославата за осмиот роденден на малолетно момче заврши со крвопролевање откако пред играоницата „Урбан Ер“ во Сакраменто се појавил човек кој отворил оган.
29-годишната Саманта Ли Кромвел го загуби животот на самото место. Нејзиниот осумгодишен син го прославуваше роденденот кога се случил инцидентот.
Напаѓачот уапсен и со сериозни обвиненија
Полицијата брзо го уапсила 36-годишниот Едвард Ли Даниел Такер Џуниор, кој сега се соочува со обвиненија за убиство, обид за убиство и илегално поседување огнено оружје. Засега му е одредена мерка притвор без право на кауција.
Според полициските извештаи, напаѓачот имал дебело полициско досие поврзано со насилни дела и илегално оружје. При пукањето, покрај Саманта која им подлегнала на повредите, тешко била ранета и нејзината пријателка Фејт, која била пренесена во болница во критична состојба.
Семејството на убиената изјавува дека бракот бил долготрајно исполнет со физичко и психичко насилство, поради што Саманта долго се обидувала да се извлече и на крајот се развела. По трагедијата, грижата за нејзиниот син ја презедоа најблиските роднини.
СТОП НА НАСИЛСТВОТО ВРЗ ЖЕНИТЕ!
Важни броеви за помош (24/7):
192 – Полиција
141 700 – Бесплатна СОС линија за жртви од семејно насилство
112 – Единствен број за итни повици
Фото: Илустрација (АИ)
