Трамп потпиша закон за продолжување на финансирањето, САД избегнаа владин „shutdown“
Финансирањето е продолжено до 11 декември, дозволувајќи агенциите да работат по 1 октомври додека Конгресот го договара буџетот за 2027.
Американскиот претседател Доналд Трамп потпиша закон за продолжување на финансирањето кој ја одложува можноста за делумен прекин на работата на федералната Влада пред ноемвриските избори за Конгресот.
Со таа одлука, федералните агенции ќе можат непречено да функционираат и по 1 октомври, кога започнува новата фискална година.
Конгресот има дополнително време до 11 декември
Продолжувањето на финансиите е утврдено до 11 декември откако Претставничкиот дом го усвои законот, по претходното одобрување во Сенатот. Со тоа Конгресот добива дополнително време за да постигне договор и да го усвои целосниот буџет за фискалната 2027 година.
Ова привремено ја отстранува непосредната закана од т.н. „shutdown“, односно делумен прекин на работата на федералните институции поради недостиг на одобрено финансирање.
Сепак, прашањето за долгорочното финансирање останува отворено и ќе биде повторно на дневен ред во декември.
Фото: прес-материјал од настанот
