Трамп: Путин нема да нападне територија на НАТО

Американскиот претседател Доналд Трамп денеска изјави дека рускиот претседател Владимир Путин нема да нападне територија на НАТО, и ги минимизираше медиумските извештаи дека директорот на ЦИА, Џон Ретклиф, претходно оваа недела предупредил руски претставници против таков потег.

Одговарајќи пред новинарите во Овалната соба, Трамп рече: „Тој нема да нападне територија на НАТО“.

Трамп претходно во телефонско интервју за Аксиос изјави дека таков напад нема да се случи и дека Ретклиф не бил испратен во Москва за да достави никаква посебна порака.

Во одбрана на честите средби на шефот на ЦИА со рускиот колега, Трамп рече: „Ратклиф се гледа со својот руски колега еднаш на секои шест месеци или еднаш годишно. Тие имаат многу добри односи. Немаше никаква порака и немаше ништо необично“.

Со тоа, претседателот ја потцени важноста на објавените наводи дека директорот на ЦИА упатил предупредување до Москва порано оваа недела.

Трамп не даде дополнителни детали за природата или содржината на средбите во своите изјави во Овалната соба.

Фото: прес-материјал од настанот