Трамп размислува да ја замени просторијата за брифинзи во Белата куќа со базен

Белата куќа не ги негираше извештаите дека претседателот Доналд Трамп размислува да ја замени просторијата за брифинг на медиуми со затворен базен, и наместо јасна одговорност даде кратка изјава дека „сите опции остануваат на маса“.

Директорот за комуникации на Белата куќа, Стивен Чеунг, одговори на прашањата во врска со идејата и ја поврза со недовербата кон новинарството од страна на администрацијата, најавувајќи дека официјална одлука ќе биде објавена во соодветен момент.

„Америка со право не им верува на медиумите за лажни вести бидејќи тие фабрикуваат приказни засновани на лаги и извори кои не се доверливи за какви било информации. Сите опции остануваат на маса и ние ќе објавиме кога ќе биде соодветно“, кажа Чеунг.

Невообичаена промена на просторот за медиуми

Просторијата за брифинзи години наназад служи како централно место за дневните прес-конференции и официјални обраќања пред камерите. Претворањето на тој простор во внатрешен базен би значело необична преуредба на просторија со големо јавено значење.

Администрацијата не даде рок за евентуална одлука. Изјавата на Чеунг и отсуството на категорично демантирање оставаат простор за можност дека Белата куќа во некој следен чекор може да излезе со повеќе детали.

Фото: АП)