Трамп тврди дека Ормускиот Теснец е разминиран

Претседателот Доналд Трамп денеска објави дека сите мини во меѓународните води на Ормускиот Теснец се детонирани или отстранети и дека на Иран му е порачано дека секој брод или чамец што ќе постави нови мини ќе биде уништен.

САД тврдат дека го следат теснецот

Во објава на социјалната мрежа Трут соушл, Трамп напиша дека Соединетите Американски Држави, преку своите вселенски сили, го набљудуваат „секој квадратен сантиметар“ од теснецот — клучен поморски пат во глобалниот синџир за снабдување со енергенси.

„Политиката на нулта толеранција кон поставувањето мини е целосно во сила", изјави Трамп.

Неговата изјава следи на продолжените напади врз пловни објекти во Ормускиот Теснец, иако, како што се наведува, двете страни веќе неколку недели не извршуваат воздушни напади врз воените сили на спротивната страна. Контролата врз тесниот премин останува предмет на судири меѓу Вашингтон и Техеран.

Прелиминарните податоци на компанијата за следење бродови „Вортекса“ покажуваат дека во понеделникот низ теснецот биле транспортирани пет милиони барели нафта — значителен пад во однос на повеќе од 20 милиони барели дневно пред почетокот на војната.

Фото: ЕПА