Трамп во Даблин: Би сакал да ја видам обединета Ирска

Претседателот на Соединетите Американски Држави Доналд Трамп денеска во Даблин изјави дека би сакал да ја види обединета Ирска и изрази уверување дека обединувањето на крајот ќе се случи. Тој ги кажа зборовите по средбата со ирскиот премиер Микеал Мартин.

„Не сакам да правам проблеми, но ќе ви кажам дека би сакал да ја видам обединета. Имам пријатели на двете страни, прекрасни луѓе. Мислам дека тоа би било голем успех за сите доколку се случи. Тоа на крајот сепак ќе се случи“ – рече Трамп во Даблин.

За можноста обединувањето да се случи и сега, Трамп додаде: „Разговараме за тоа, а овде го имате вистинскиот човек кој може да го покрене тоа. Секако, Обединетото Кралство ќе има што да каже за тоа. Но мислам дека тоа би била одлична работа. Како би можело тоа да биде лошо?“ – додаде американскиот претседател.

Пред посетата, Микеал Мартин изјави дека со Трамп ќе разговара за бројни прашања од заеднички интерес и ќе ги потврди силните економски и културни врски меѓу Ирска и САД, како и врските меѓу луѓето.

Како што е најавено, американскиот претседател ќе се сретне и со други ирски официјални лица и со амбасадорот на САД во Ирска, а ќе присуствува и на турнирот „Ајриш опен“ на својот терен за голф во Данбег.

Република Ирска е независна држава и членка на Европската унија, додека Северна Ирска е дел од Обединетото Кралство.

Фото: прес-материјал од настанот