Тројца прилепчани претепале скопјанец во Радожда, при претрес пронајдена дрога
Полицијата од Струга привела четворица по инцидент во викенд куќа, при што беа пронајдени наркотични материи.
Ноќеска во 00:30 часот во струшкото село Радожда полициски службеници од ОВР Струга ги лишиле од слобода D.D.(37) од Скопје, со привремен престој во село Радожда, S.F.(36), F.V.(33) и N.Ч.(36), сите од Прилеп.
Според пријавеното, претходно во викенд куќа на D.D. во селото, трите лица од Прилеп физички го нападнале D.D. и му нанеле тешки телесни повреди.
При вршење увид во врска со физичката пресметка во викенд куќата, полициските службеници пронашле бела прашкаста материја, по што била добиена наредба од јавен обвинител и бил извршен претрес во викенд куќата.
При претресот била пронајдена и марихуана.
По целосно документирање на случајот ќе следува соодветен поднесок.
Фото: прес-материјал од настанот