Тројца загинати и двајца повредени во престрелка кај In‑N‑Out во Твин Фолс, Ајдахо

Најмалку три лица се убиени, а две се ранети во престрелка што се случи вчера во близина на ресторанот In-N-Out во градот Твин Фолс во сојузната држава Ајдахо, соопшти локалната полиција, додавајќи дека осомничениот беше ликвидиран за време на полициската интервенција.

- Најмалку две лица се повредени во насилниот инцидент, но таа бројка би можела да се зголеми – изјави портпаролот на Твин Фолс, Џош Палмер.

Шефот на локалната полиција, Метју Хикс, потврди дека осомничениот напаѓач бил убиен при полициската акција, но засега не е јасно дали тој е меѓу трите потврдени жртви.

Реакција на службите

Полицијата наведе дека за инцидентот биле известени околу 14:30 часот по локално време по дојави за пукање во околината на ресторанот In-N-Out на булеварот Блу Лејкс Норт. Екипите за итна помош го обезбедиле местото и им пружиле помош на повредените.

- Идентитетот на осомничениот и можниот мотив за пукањето сè уште се утврдуваат. Веруваме дека опасноста за нашата заедница е помината – изјави Хикс на прес-конференција.

Истражителите продолжуваат да собираат докази и да ги сослушуваат очевидците додека локалните власти се подготвуваат да објават дополнителни детали за жртвите и за околностите што воделе до нападот.

Фото: прес-материјал од настанот