Турција бара црвена потерница за Нетанјаху; Израел возвраќа со остри навреди за Ердоган

Турција започна постапка за поднесување барање до Интерпол за издавање црвена потерница за израелскиот премиер Бенјамин Нетанјаху и уште неколку лица поврзани со пресретнувањето на хуманитарната флотила „Глобал Сумуд“, а кабинетот на Нетанјаху возврати со остри обвинувања кон Анкара.

Реакции и правни чекори

Во соопштението од канцеларијата на Нетанјаху стои: „Ердоган е антисемитски диктатор кој ги масакрира Курдите, кој изрази поддршка за масакрот на терористичката организација Хамас и кој го угнетува сопствениот народ“, соопшти канцеларијата на Нетанјаху.

Во истото соопштение се додава дека Израел ќе дејствува против „обидите на Турција да го дестабилизира регионот“.

Анкара тврди дека барањето за меѓународно апсење веќе е доставено до турското Министерство за надворешни работи, кое треба да ја спроведе процедурaта пред Интерпол. Покрај Нетанјаху, за истиот инцидент Турција бара потерница и за израелскиот државјанин Афек Москович.

Турскиот министер за правда, Акин Ѓурлек, во објава на социјалната мрежа „Икс“ посочи дека барањето за црвена потерница е поднесено во согласност со налозите за апсење што турските власти ги издадоа на 14 јули годинава. Според него, Нетанјаху и Москович се товарaт за повеќе тешки кривични дела, меѓу кои „геноцид“, „злосторства против човештвото“, „мачење“, „намерно нанесување телесни повреди“, „противправно лишување од слобода“, „киднапирање превозни средства“, „тешка кражба“ и „оштетување имот“.

Пресретнувањето на хуманитарната флотила „Глобал Сумуд“ се случи во мај, во време на зголемени тензии околу испораката на помош за Појасот Газа; организаторите наведуваа дека целта на пловидбата беше да го привлече вниманието кон хуманитарната криза и да ја пробие поморската блокада.

Фото: прес-материјал од настанот