Почетна
Свет

Туск: Полска прекинува со плаќање за американско оружје преку PURL

Премиерот Доналд Туск рече дека Варшава се повлекува од заедничката набавка поради високи трошоци за сопствена одбрана.

·Свет
Туск: Полска прекинува со плаќање за американско оружје преку PURL

Полска ќе престане да уплаќа средства за купување американско оружје за Украина преку механизмот PURL, соопшти полскиот премиер Доналд Туск по неформалниот самит на лидерите на Европската Унија во Даблин.

На прес-конференција Туск рече дека го известил генералниот секретар на Алијансата Марк Руте дека Варшава на неодредено време се повлекува од заедничкиот механизам за набавки, наведувајќи ги високите трошоци за сопствена одбрана и ограничувањата во буџетот.

Што е PURL?

PURL иницијативата (Prioritized Ukraine Requirements List) е механизам под координација на НАТО преку кој европските сојузници здружуваат финансиски средства за итна набавка на потребното оружје за украинската војска, муниција и пресретнувачи за противвоздушна одбрана од американско производство. Најавата на Туск само ја зголемува јавниот притисок врз иницијативата.

„Му реков на генералниот секретар дека засега нема да издвојуваме средства за PURL проектот во кој Европјаните даваат пари за оружје од САД за Украина, бидејќи и самите трошиме многу за сопствено вооружување“, изјави Туск.

Ова се случува откако украинскиот претседател Володимир Зеленски порача дека на иницијативата PURL ѝ недостасуваат доволно средства. Зеленски во петокот (13 ноември), по консултациите со лидерите на Нордиската петорка (Н5), нагласи дека се потребни нови придонеси на европските партнери за одржување на испораките на оружје пред почетокот на зимата.

Фото: прес-материјал од настанот

Поврзани написи