Туск: Трамп е виновен за високите цени на горивата, време е отворено да го кажеме тоа

Премиерот на Полска, Доналд Туск, директно го обвини американскиот претседател Доналд Трамп за глобалниот скок на цените на горивата за време на денешната расправа во долниот Дом на полскиот парламент.

Во обраќањето до пратениците, особено до опозициската крајна десница која со години го поддржува Трамп, Туск истакна дека причините за порастот на цените ги надминуваат домашните услови и се врзуваат со меѓународни случувања што го попречуваат поморскиот сообраќај.

„Имаме цени на горивата што се најниски во Европската Унија, впрочем најниски во моментот, без оглед на очигледниот факт дека за луѓето е ѓаволски скапо. Свесен сум за тоа. Мислам дека, конечно, е време да го кажеме тоа на глас. Да, Доналд е виновен за тоа, во тоа нема никакви сомнежи. Но, вашиот херој, а не премиерот на Полска. Добро знаете кој е огодоворен за цените на горивата“, рече Туск.

Утицајот на операциите во Ормускиот Теснец

Туск го поврза поскапувањето со нов енергетски удар во светската економија поради американските воени операции во Ормускиот Теснец, стратешка пловна рута низ која минува околу петтина од светската потрошувачка на нафта. Тоа предизвика застој во пловењето на танкери, раст на трошоците за транспорт со бродови и нарушување на редовното снабдување со сурова нафта.

Од своја страна, претседателот Доналд Трамп, во пресрет на изборите за Конгресот, се обиде да ја префрли вината за поскапувањето на Украина и нејзините удари на руските нафтени постројки, а со тоа го оправдува и контроверзното „замрзнување“ на санкциите за увоз на руски дизел.

Фото: прес-материјал од настанот