У-15: Македонија загубена од Украина во Струмица

Македонската репрезентација до 15 години загуби со 0:1 од Украина во натпреварот од 3. коло на Развојниот турнир што се одржува во Струмица.

Дефанзивецот на Украина, Данил Росул, го постигна единствениот гол во 20. минута и донесе победа за гостинската селекција. Нашите млади фудбалери создадоа шанси, но не успеаја да ги реализираат: Хари Папиќ во 11. минута со глава шутираше над голот, а Муадини во 71. минута беше сопрен од украинскиот голман по удар под пречка.

Детали од натпреварот

Во претходните две кола од турнирот, селекцијата предводена од селекторот Горан Георгиевски ја победи Естонија со 1:0 и ремизираше 2:2 со Босна и Херцеговина.

МАКЕДОНИЈА – УКРАИНА 0:1 (0:1)
Стадион: Тренинг центар „Горан Пандев“, Струмица
Стрелец: 0:1 Данил Росул 20`

МАКЕДОНИЈА до 15 години: Давор Грабуловски , Артан Рамадани (57` К. Арсовски), Стефан Петковски (85` А. Вукељ), Максим Мечкаровски (46` Л. Ристов), Марко Мартиновски (68` О. Елези), Габриел Фударски Митев (68` Н. Јовановиќ), Стефан Шилковски , Стефан Дрндаровски (46` А. Бафтијари), Хари Папиќ (68` В. Грданоски), Џемал Алили (57` А. Симоновски), Аник Исуфи (46` Л. Факиќ);

Турнирот во Струмица продолжува, а нашата селекција ќе бара да ги искористи шансите во следните средби.

Фото: прес-материјал од настанот