У-17: Ристиќ со гол во 58. минута донесе 1:0 против Сан Марино во Трабзон
Стефан Ристиќ го постигна својот четврти гол и обезбеди пласман на У-17 во втората квалификациска рунда – Лига А за ЕП 2027.
У-17 селекцијата на Македонија ја победи Сан Марино со 1:0 во вториот меч од квалификацискиот турнир во Трабзон (Турција). Стефан Ристиќ го постигна единствениот гол во 58. минута.
Ристиќ продолжува со серијата
Овој погодок е четвртиот на турнирот за Ристиќ — пред три дена тој постигна хет-трик за пресврт и победа против Унгарија. Со две победи од два натпревари и вкупно шест бода, У-17 на Македонија обезбеди пласман во втората квалификациска рунда — Лига А за пласман на ЕП 2027.
Последниот натпревар во групата ќе биде со Турција, но за нашата селекција тоа ќе биде ревијален дуел, откако обезбеди напредување.
Стефан Ристиќ, актуелен член на Партизан, уште еднаш се покажа како голгетер кој носи победи за младинската репрезентација.
Селекторот Иљами Исејни го започна мечот со следниот состав: Петров, Исени (46. Крстевски), Масев, Акики, Павлов, Полимац (81. Мемди), Бочески, Адеми (68. Сивески), Велески, Ристиќ (81. Аксентиев), Николов (77. Неданоски).
Фото: прес-материјал од настанот
