У19: Капинковски го објави списокот за вториот квалификациски циклус
Два натпревара ќе се играат во Турново, еден во Струмица; сите со почеток во 13:00.
Младата репрезентација на Македонија до 19 години ќе ги пречека натпреварите од вториот квалификациски круг за Европското првенство 2027 во периодот од 9 до 17 ноември.
Капинковски повика 21 фудбалер
Селекторот Димитар Капинковски состави список од 21 играч кои ќе ги одмерат силите со репрезентациите на Северна Ирска, Словенија и Малта, а сите средби ќе се играат во Турново и Струмица со почеток во 13:00 часот.
Македонија го отвора квалификацискиот мини-турнир на 11 ноември против Северна Ирска на стадионот „Кукуш“ во Турново, потоа на 14 ноември го игра дуелот со Словенија, а групната фаза ќе ја затвори на 17 ноември против Малта.
На списокот на голмани се: Александар Трајковски (Брера Струмица), Павел Грбевски (Тетекс) и Бесјан Алију (Башкими).
Во одбрана се повикани: Албан Рочи (Струга Трим Лум), Христијан Маркоски (Келн, Германија), Матео Кесик (Јединство), Мухамед Мустафи (Сент Гален, Швајцарија), Филип Цветковски (Вардар) и Анес Абдурахмани (Шкендија).
Во средниот ред генерално се наоѓаат Габриел Талески, Бојан Велков и Иван Танчев (тримата од Брера Струмица), Лорен Жаку (Билиш, Албанија), Александар Грашевски (Динамо Загреб, Хрватска) и Лавдрим Касами (Умраниеспор, Турција).
Во нападот се најдоа Мухамед Куртиши (Раперсвил-Јона, Швајцарија), Јован Мрмачовски (Пелистер), Јаков Стојковски (Падерборн, Германија), Јордан Дамевски (Арка, Норвешка), Дитмир Хоџа (Лидс Јунајтед, Англија) и Антиан Емини (Кожуф).
Целта на селекцијата е првото место во групата и промоција во Лига А за третиот квалификациски круг, со што ќе се зачуваат шансите за пласман на завршниот турнир во 2027 година.
Фото: прес-материјал од настанот
