Урсула фон дер Лајен утре во Скопје: ЕУ-патот, буџетот и прегледите на политики
Претседателката на Европската комисија ќе ја заврши регионалната турнеја во Скопје и ќе разговара за проширувањето и подготовките на буџетот на ЕУ.
Урсула фон дер Лајен утре, 2 октомври 2026 година, пристигнува во Скопје за да ја заврши регионалната турнеја посветена на европскиот пат, постепената интеграција и Планот за раст. Нивните посети во регионот го воведоа прашањето за конкретни чекори кон членство во Унијата.
Во Тирана Фон дер Лајен ја најави новата стратегија за проширување и најави дека следната недела во Брисел ќе се стави на маса и прашањето на буџетот на Унијата како дел од подготовките за прием на нови членки.
Како ја формулираше својата порака
Урсула фон дер Лајен претседателка на Европска Комисија : "Вие во Албанија се подготвувате, а и ние исто така, бидејќи проширувањето е двонасочен процес, а и Европската Унија мора да биде подготвена да прими нови членки.Токму затоа, следната недела ќе ги претставиме нашите таканаречени прегледи на политиките пред проширувањето, односно, со други зборови, ќе ги разгледаме нашите институции, ќе ги разгледаме нашите политики и, се разбира, ќе го разгледаме и нашиот буџет за да се осигуриме дека нашата Европска Унија е подготвена да се прошири и да прими нови членки".
Во меѓувреме, германскиот министер за надворешни работи повика на забрзување на процесот на проширување, предупредувајќи дека растечкото влијание на Русија и Кина во регионот ја зголемува итноста на одлуките на Унијата. Јохан Вадефул МНР Германија : "Проширувањето на ЕУ кон Западен Балкан е клучен тест за Европа. Тоа ќе биде одлучувачко за тоа какво влијание ќе има ЕУ во наредните децении."
Вчера во Брисел беше објавено дека ЕУ планира да го отвори единствениот пазар за земјите кандидатки и дека постои страв дека долготрајните одолговлекувања може да ги отуѓат земјите како Северна Македонија, Косово, Босна и Херцеговина, Србија и Турција или да ги насочат кон други надворешни актери. Исто така, беше објавено дека Брисел подготвува таканаречени "патокази" за четирите фаворити — Црна Гора, Албанија, Украина и Молдавија — додека Северна Македонија не е вклучена на таа листа.
Премиерот Христијан Мицкоски рече дека нема информација за таква одлука и дека не знае дали објавата е точна. Во Скопје, посетата на Фон дер Лајен се очекува да опфати конкретни дискусии за патот кон ЕУ, евентуално учество на ЕУ во дијалогот со Бугарија и политички сигнали поврзани со евентуални уставни измени.
Фото: прес-материјал од настанот
