Вардар ќе ги пречека Тиквеш и Струга ТЛ на теренот на ФФМ

Теренот на ФФМ ќе биде домаќин за Вардар во претстојните два клучни натпревари: средбата во купот со Тиквеш и дербито на крајот од неделата со Струга Трим Лум.

Средбата со Тиквеш е закажана за среда и претставува дуел од 1/8 финалето од Купот на Македонија, додека дербито со Струга ТЛ е предвидено за време на викендот. Двете пресметки ќе се играат на теренот на ФФМ бидејќи тревникот на Арената „Тодор Проески“ се чува за натпреварот на националниот тим со Словенија кој се игра на 16 ноември.

„Тесно“ како предност за „црвено-црните“

Тренерот и играчите на Вардар ја прифаќаат одлуката: се чувствуваат подобро на помалиот терен. Тимот имаше проблеми со кондицијата по утнатите летни подготовки и низ период на промени со тренер и засилувања играше променливо, но сега, под водство на Гроф Божовиќ, првакот е прибран и се врати на победничките патеки.

Дуелот со Тиквеш е од огромно значење: гостите од Кавадарци се сериозен испит за Вардар, кој оваа есен покажа нестабилност. Со оглед на тоа дека првакот оваа сезона настојува кон двојната круна, еден нокаут дуел како овој мора да биде одигран на потребното ниво.

Тиквеш веќе покажа дека знае да игра на теренот на ФФМ — ја прегази Шкендија со 1:3 — па затоа Вардар не смее да го потценува ривалот на „тесниот“ тревник.

Фото: прес-материјал од настанот