Васил Гогов е нов капитен на Вардар, негов заменик е Јaka Малус
Гогов ја презема капитенската улога од Гоце Георгиевски, додека Јака Малус ќе биде негов заменик во новата сезона.
РК Вардар го соопшти составот на лидерите за новата домашна сезона: голманот Васил Гогов е именуван за нов капитен на клубот, на местото на Гоце Георгиевски. Заменик-капитен ќе биде Јака Малус.
Капитенска лента и нова улога
Гогов ќе ја носи лентата како играч што долго време е дел од црвено-црниот проект, со цел да ја води екипата и на теренот и надвор од него додека Вардар се подготвува за предизвиците во домашното првенство.
Во известувањето на клубот се истакнува поврзаноста на играчот со клубот и посветеноста кон дресот: „Играч кој долго време е верен на клубот, кој растеше со Вардар, се бореше за овој дрес и секогаш беше дел од црвено-црната приказна, сега добива нова и одговорна улога – да биде лидер на тимот на теренот и надвор од него.
Капитенската лента е чест, но и обврска. Таа носи одговорност, карактер и пример за сите во соблекувалната. Веруваме дека Васил со својата посветеност, работа и љубов кон клубот ќе ја носи достоинствено.
Негов заменик-капитен во новата сезона ќе биде Јака Малус, еден од најискусните играчи во тимот и важен дел од играта на РК Вардар.
Нова сезона. Нови предизвици“, се вели во известувањето на Вардар.
Фото: прес-материјал од настанот
