Почетна
Спорт

Виктор Вембањама прави нешто невидено во историјата на НБА-лигата

Французинот на Сан Антонио води со 4,1 блокада по натпревар и е еден од највлијателните дефанзивци сезонава.

·Спорт
Виктор Вембањама прави нешто невидено во историјата на НБА-лигата

Виктор Вембањама, францускиот талент на Сан Антонио Спарс, оваа сезона бележи одбранбени показатели кои ретко се гледаат во историјата на НБА-лигата.

Просечно бележи 4,1 блокада по натпревар и има дефанзивен рејтинг од 95,1. По стартот на сезоната кога Спарс запишаа два пораза, Вембањама ги предводеше до низа од 12 победи; според поединечна статистика, тој е трет во лигата по поени со просек од 28,4 и четврти по скокови со просек од 12 скока по натпревар.

Брз напредок на вечната листа по блокади

Му беа потребни само 192 натпревари за да се најде меѓу 200-те најдобри кошаркари на сите времиња според вкупниот број блокади (моментално има 687). Пред дуелот против Детроит Пистонс се наоѓаше на 195. место на вечната листа, по одиграни 195 натпревари.

Иако само петмина играчи во историјата имаат над 3.000 блокади, Вембањама веќе е најдобар според просечниот број блокади по натпревар во својата кариера (3,52). Кошаркари со најмалку 3.000 блокади во НБА-лигата се:

  • 3.830 – Хаким Олајџувон
  • 3.289 – Дикембе Мутомбо
  • 3.189 – Карим Абдул-Џабар
  • 3.064 – Марк Итон
  • 3.020 – Тим Данкан

Во април тој го освои признанието за најдобар дефанзивец на сезоната на 22 години и 106 дена, станувајќи најмладиот добитник и првиот играч кој ја доби наградата едногласно со сите 100 гласови за прво место. Само еден месец по почетокот на својата четврта НБА-сезона, веќе се издвојува како еден од највлијателните дефанзивци во натпреварувањето.

Вембањама сезонава двапати запиша по осум блокади во рок од само пет дена: првиот пат против Dallas Mavericks на 4 ноември, а потоа против Phoenix Suns на 9 ноември, во двата случаи израмнувајќи го најдоброто индивидуално остварување сезонава по број на блокади на натпревар. Има седум натпревари сезонава со најмалку пет блокади, додека сите останати кошаркари во НБА заедно имаат само девет такви настапи.

Во досегашната кариера Вембањама има 61 натпревар со најмалку пет блокади, со што се израмни со Руди Гобер на четврто место меѓу активните играчи и е спомнат на 30. место на вечната листа.

Фото: прес-материјал од настанот

Поврзани написи