Qeveria siguron emergjentisht 50.000 litra ujë falas çdo ditë për Gostivarin

Qeveria ka marrë vendim që në mënyrë emergjente, duke filluar sot dhe për disa ditë në vijim, të sigurojë 50.000 litra ujë të pijshëm falas çdo ditë për qytetarët e Gostivarit, me qëllim të plotësohen nevojat themelore të popullsisë ndërsa zbatohen masat dhe rekomandimet e institucioneve kompetente.

Veprimet janë organizuar përmes Shërbimit për Çështje të Përgjithshme dhe të Përbashkëta të Qeverisë, i cili do të realizojë shpërndarjen përmes një serie pikash të caktuara në qytet.

Pikat e shpërndarjes

• Ujësjellësi – Gostivar, rr. JNA nr. 139
• Kopshti „Prolet", rr. Belichica nr. 47
• SEOU – Gostivar (Shkollë e Mesme Ekonomike), rr. Zhivko Brajkovski nr. 39
• Ndërmarrja Publike "Pyjet Kombëtare" – Degë "Shar" Gostivar, rr. Braca Gjinovski nr. 165
• AD ESM – Degë pranë garazheve (pikë shpërndarjeje), rr. Ilindenska
• Spitali i Përgjithshëm "Ferid Murad" – parkingu, rr. Chede Filipovski nr. 29
• Njësia Territoriale e Zjarrfikësve – Gostivar, rr. Belichica nr. 35

Të gjitha institucionet kompetente, siç u theksua, vazhdojnë me kontrolle intensive, analiza dhe veprime hetimore për të përcaktuar shkaqet e gjendjes së krijuar.

Në një deklaratë nga Qeveria thuhet: "Presim zgjidhjen e plotë të rastit, dhe çdo person që do të konstatohet si përgjegjës do të mbajë përgjegjësi sipas ligjit. I bëjmë apel qytetarëve që t'i respektojnë rekomandimet e institucioneve kompetente dhe informacionet t'i ndjekin ekskluzivisht përmes kanaleve zyrtare, me qëllim informim të drejtë dhe në kohë", thonë nga Qeveria.

Prioritet i Qeverisë, theksojnë nga kabineti, mbetet mbrojtja e shëndetit të qytetarëve, reagimi i shpejt institucional dhe tejkalimi i plotë i situatës; Qeveria do të vazhdojë të marrë çdo masë të nevojshme për të siguruar mbështetje deri në normalizimin e gjendjes.

Foto: material për shtyp nga ngjarja