Владата на Јемен го прогласи почетокот на целосна војна и напредува кон Баб ел-Мандеб

Владата на Јемен ја прогласи почетокот на целосни воени операции против хутите, откако јеменските владини сили со поддршка од Саудиска Арабија зазедоа стратешки позиции во близина на теснецот Баб ел-Мандеб.

Три воени извори и еден владин извор изјавија дека владините сили освоија големи делови од округот Дубаб, кој се наоѓа над теснецот, и презеле целосна контрола над областа со силна воздушна поддршка од коалицијата предводена од Саудиска Арабија. Хутите ги демантираа овие информации.

Шефот на меѓународно признатата влада на Јемен, Рашад ал-Алими, во телевизиско обраќање објави дека започнуваат воени операции со цел да ја повратат територијата што ја држат хутите.

„Денеска го објавувам почетокот на воените операции за повторно заземање на преостанатата територија на републиката и за проширување на авторитетот на државата и нејзините институции на целата национална територија“, рече Ал-Алими.

Саудиска улога и цели

Саудиска Арабија, која ги вооружува и обучува јеменските владини сили, го поддржува нападот со воздушни напади и побара логистичка помош од сојузниците за да ги потисне хутите, да го врати слободниот сообраќај во Црвеното Море и да ги спречи нападите кон нејзина територија.

Иако судири се јавуваат на повеќе фронтови низ Јемен, најжестокиот отпор се води во крајбрежната зона околу теснецот Баб ел-Мандеб и на ридовите околу градот Таиз, каде што хутите се обидуваат да ги опколат владините сили.

Јемен е една од најсиромашните земји во светот. Сегашниот конфликт започна во 2014 година, кога хутите го зазедоа главниот град Сана и подоцна контролираа големи делови од северот на земјата.

Фото: АП)