ВЛЕН: Брисел позитивно ги оцени реформите, земјата доби 140 милиони евра од Планот за раст

ВЛЕН ја поздравува позитивната оценка на претседателката на Европската комисија, Урсула фон дер Лајен, за напредокот во спроведувањето на Планот за раст. За време на нејзината посета на Скопје, таа го оцени постигнатиот напредок како импресивен и најави нови исплати во наредните недели; досега земјата доби 140 милиони евра од планот.

Партијата го оцени добивањето на средствата како резултат на упорната работа и посветеноста на институциите. Министреството за европски прашања, предводено од првиот вицепремиер Беким Сали, го координира спроведувањето на Реформската агенда и ја следи реализацијата на обврските на институциите.

Нови транши и очекувања

ВЛЕН изрази дека позитивната проценка од Брисел треба да биде дополнителен поттик за продолжување на работата и навремено исполнување на преостанатите обврски. Партијата ги поздрави заложбите на Брисел за деблокирање на европскиот пат на земјата.

„За нас, оваа оценка е дополнителен поттик да продолжиме со работата и навреме да ги исполниме следните обврски. Ги поздравуваме заложбите на Брисел за деблокирање на европскиот пат на земјата и очекуваме да се надминат пречките за земјата да напредува во преговорите со Европската Унија,“ се вели во партиското соопштение.

Во партиските редови велат дека очекуваат најавените нови плаќања во наредните недели да следат по административните проверки и исполнетите критериуми, и ги повикаа институциите да го задржат темпото за обезбедување дополнителна поддршка од ЕУ.

Фото: прес-материјал од настанот