ВМФЛ: Работнички на гости во Осогово, лидерот Охрид го пречекува Камјани
Натпреварите од 11. коло стартуваат во 13 часот; Работнички сака победа за да остане во трката со Охрид и Пелистер.
Денеска од 13 часот на програмата се сите седум натпревари од 11. коло во ВМФЛ, со неколку средби што можат да влијаат на трката на врвот.
Работнички му гостува на Осогово во Кочани и во таборот на гостите посакуваат само победа и три бода за да го задржат чекорот со водечките Охрид и Пелистер.
Клучни двојки и позадина
Лидерот Охрид на домашен терен го пречекува дебитантот Камјани; досега Камјани се најпријатното изненадување во сезоната и нема да му дадат лесни бодови на Охрид.
Пелистер гостува во Гевгелија кај Кожуф. Интересно е тоа што Кожуф го предводи Вангел Алтипармаковски, битолчанец, кој до пред некој месец беше во стручниот штаб на Пелистер.
Целосните дуели за 11. коло (старт 13:00):
- Охрид: Охрид – Камјани
- Струмица: Беласица – Шкупи
- Кочани: Осогово – Работнички
- Новаци: Новаци – Македонија ЃП
- Радовиш: Детонит – Брера
- Гевгелија: Кожуф – Пелистер
- Тетово: Тетекс – Еуромилк
ТАБЕЛА пред колото: Охрид 25, Пелистер 24, Работнички (-1) 21, Брера (-1) 18, Камјани 17, Тетекс 13, Беласица 13, Кожуф 13, Македонија ЃП 12, Детонит 9, Новаци 8, Еуромилк 7, Осогово 7, Шкупи 0.
Фото: прес-материјал од настанот
