Во Гостивар вкупно 4.483 лица побарале помош поради стомачни тегоби; четворица се хоспитализирани

Министерството за здравство информира дека од почетокот на мониторирањето вкупно 4.483 жители на Гостивар побарале лекарска помош поради стомачни тегоби, додека здравствените служби ја засилуваат епидемиолошката работа во теренот.

Во текот на вчерашниот ден, во Општата болница и во Здравствениот дом во Гостивар се извршени вкупно 36 прегледи — за 37 помалку во однос на претходниот ден, кога беа регистрирани 73 прегледи. Во моментов во болницата се хоспитализирани четворица пациенти.

Надзор и обработка на пријавите

До надлежните здравствени институции се доставени 1.014 формални пријави за заразна болест. Обработени се 706 нови епидемиолошки анкети, што ја дава покриеноста од 70 проценти.

Надлежните институции продолжуваат со засилен епидемиолошки надзор, собирање и обработка на податоците, анкетирање на пациентите и координирано спроведување на сите неопходни мерки за заштита на населението.

Намалувањето на бројот на прегледи го оценуваат како охрабрувачки индикатор, но посочуваат дека состојбата и натаму ќе се следи внимателно.

Фото: прес-материјал од настанот