Во Грција 58 нови случаи на Западен Нил; за една недела починале пет лица

Во Грција се пријавени 58 нови случаи на вирусот Западен Нил за една недела, а за истиот период починале пет лица, соопштија здравствените институции — со што вкупниот број дијагностицирани и пријавени случаи од почетокот на оваа вирусна сезона се искачи на 290, а регистрирани се 24 смртни случаи.

Од вкупниот број заразени, 199 лица имале симптоми на централниот нервен систем (енцефалитис и/или менингитис и/или акутна парализа), додека кај 91 случаи симптомите биле благи или немало зафатеност на централниот нервен систем.

Хоспитализации и статус на пациентите

Од заразените, 63 лица биле хоспитализирани, 182 пациенти биле пуштени од болница, а за 21 од случаите не била потребна хоспитализација.

Од 24-те починати, сите биле на возраст над 65 години, со просечна возраст од 83 години.

Ако се анализираат податоците по региони, повеќе од половина од случаите (вкупно 163) се регистрирани во областа Атика, во поширокиот регион на Атина. Останатите случаи се во регионот Тесалија, во северна и централна Грција, на Пелопонез и на Крит; 14 случаи се во фаза на епидемиолошко истражување.

Според Националната организација за јавно здравје (ЕОДИ), во текот на 2026 година, заклучно со вчера, случаи на инфекција со вирусот на Западен Нил во Грција се регистрирани во 69 општина во земјата и во 20 регионални единици.

Исто така, е објавено: "Седми починат пациент со западнонилска треска – најновиот суспектен случај е од Радишани."

Фото: прес-материјал од настанот