Во Шпанија се одржа прв генерален штрајк по 14 години поради кризата со домување
Повеќе од милион работници излегоа на штрајк три недели пред изборите, барајќи решенија за високи кири и иселувања.
Во Шпанија се одржа прв генерален штрајк по 14 години, со масовна мобилизација на синдикати, здруженија на работници и здруженија на станари кои протестираат против растечките кири и присилните иселувања. Повеќе од милион работници беа очекувани да се вклучат, а акцијата дојде три недели пред парламентарните избори.
Штрајкот беше заеднички поддржан од двата најголеми синдикати во земјата и од неколку локални работнички организации и здруженија на станари револтирани од двојно зголемените просечни кири за последните 10 години и од серија иселувања.
Затворања и стопирања во клучни сектори
Синдикатите најавија доцнења во јавниот превоз и масовни затворања на продавници, фабрики и други бизниси. Во првите часови од штрајкот беа регистрирани помали инциденти, а работниците почнаа да се собираат на полноќ.
Според соопштение од синдикатите по почетокот на штрајкот во полноќ, околу 90 проценти од автомобилската и пристанишната индустрија го прекинаа работењето, 85 проценти од преработувачите на месо застанаа со работа, а 75 проценти од енергетскиот сектор беа погодени.
Организаторите велат дека генерален штрајк е кулминација на неколку недели демонстрации и поставување шатори по присилни иселувања и по смртта на 87‑годишна жена во Мадрид. „Нема да запреме сè додека целосно не го трансформираме моделот на домување во оваа земја, така што домовите ќе служат за живеење, наместо да бидат во служба на малцинството што живее од кирии“, изјави Алисија дел Рио, портпарол на Синдикатот на станари во Мадрид.
Владата ја обвини десничарската опозиција, која управува со многу региони и општини, дека е главно одговорна за порастот на кириите и за недоволната понуда на станови.
Фото: прес-материјал од настанот
