Во Србија се преговара за повисока минимална плата, Владата нуди покачување од 50 евра

Министерството за финансии на Србија понудило зголемување на минималната плата за 2027 година од 9,2 проценти — од актуелните 550 евра на околу 600 евра, соопштија учесниците на првиот состанок меѓу претставниците на Владата, работодавачите и синдикатите.

Според предлогот, почасовната минимална плата би се зголемила од 371 динар на 405 динари, што би значело месечна сума од 70.470 динари. Министерството исто така предложило олеснувања за работодавачите, вклучително и зголемување на ослободениот од данок износ на платите.

Работодавачите и синдикатите на различни позиции

Синдикатот на работодавачи оценува дека можностите на економијата се за зголемување на минималната плата за 8 проценти, со почеток од 1 јануари 2027 година, земајќи предвид инфлацијата и растот на бруто домашниот производ. Тие најавија дека конечниот став ќе биде објавен на следниот состанок.

Синдикатите, пак, останаа на барањето дебатата да опфати процентуално покачување на вкупните плати и побараа „јасен одговор кога во 2027 година „минималната“ ќе го достигне нивото на ветените 650 евра“.

Следните рунди преговори меѓу Владата, работодавачите и синдикатите треба да ги разјаснат разликите помеѓу предложеното покачување од 9,2 проценти и барањата и проценките за издржливост на економијата.

Фото: илустрација / EPA/FRIEDEMANN VOGEL