За чест, гордост и навивачите: Вардар оди по победа против МТ Мелсунген

Вардар денеска, 28 октомври 2026 година, со почеток во 18:45 часот на Јане Сандански го игра последниот натпревар од сезонава во ЕХФ Лигата на шампионите против МТ Мелсунген. Иако шампионот на Северна Македонија ги загуби шансите за пласман во главната фаза, тимот влегува во дуелот мотивиран да им се oдолжи на навивачите.

По пет одиграни натпревари останува уште еден — мечот во Скопје. Вардар ги носи позитивните емоции од гостинскиот триумф во Нант, кој покажа дека составот може да се носи и со јаки противници и дека има сили за победа против Мелсунген.

Тренерот Иван Чупиќ подвлече дека натпреварот е прашање на чест и обврска кон фановите кои редовно го полнат „Јане Сандански“ на мечевите од Лигата на шампионите.

Чупиќ пред дуелот

На прес-конференцијата пред средбата Чупиќ изјави: „Пред нас е уште еден натпревар во ЕХФ Лигата на шампионите и, за жал на сите нас, последен сезонава во ова натпреварување. Одигравме пет натпревари, а ни останува уште еден. МТ Мелсунген сигурно доаѓа во Скопје решен да се бори за место во главната фаза.

„Моето размислување е многу едноставно. По двата пораза во ‘Јане Сандански’, сега станува збор и за нашата гордост и чест. Оваа сала и нашите навивачи, кои нè поддржуваа на највисоко ниво на двата домашни натпревари во Лигата на шампионите, заслужуваат да го завршиме настапот со победа.

„Сакаме да победиме не само за клубот и да ја продолжиме победничката серија, туку пред сè за да им возвратиме на навивачите – луѓето што секогаш се зад нас и постојано ни даваат дополнителна сила.

„Победивме во Нант и, дај Боже, ако во среда го совладаме и Мелсунген, тоа ќе биде награда и за навивачите кои никогаш не се откажуваат од нас. Пред нас е целата сезона во македонското првенство, регионалната лига и ЕХФ Европската лига. Сакаме салата и понатаму да биде исполнета, а Вардар и нашиот домашен терен повторно да станат тврдина,“ изјави Чупиќ.

Фото: прес-материјал од настанот