Procesverbali: Bordi qeveritar propozoi thirrjen për festimin e 35-vjetorit të pavarësisë

Më shumë se gjashtë muaj pas vendimeve të qeverisë për festimin e 35-vjetorit të pavarësisë dhe thuajse një muaj pas përfundimit të ngjarjeve, është publikuar procesverbali i mbledhjes së kabinetit në të cilin u përcaktua si do të organizohej festa.

Bordi organizues hartoi përmbajtjen e konkursit

Procesverbali i mbledhjes më 28 prill 2026 tregon se përmbajtja e detajuar e thirrjes publike për zgjedhjen e organizatorit ishte propozuar plotësisht nga një bord organizues i formuar nga nëntë përfaqësues të disa institucioneve shtetërore. Dy ditë më vonë, Lotaria Shtetërore shpalli thirrjen publike.

Qeveria bëri publike emrat e anëtarëve të bordit: "Nga Zyra e Kryeministrit u nominu Sasho Pavloski, Ministria e Kulturës dhe Turizmit nominoi Biljana Kjulavkovska, Tijana Tesalonika Shishkoska, Magdalena Manaskova dhe Vesna Mitevska, SOZR nominoi Hristijan Stojanovski, Ministria e Brendshme nominoi Vlatko Gjosevski dhe Biljana Saraginova Panchevska, dhe BJB dhe Sekretariati i Përgjithshëm nominuan Goce Bobolinski," njoftoi qeveria.

Procesverbali po ashtu tregon se në të njëjtën mbledhje, më 28 prill 2026, qeveria i urdhëroi AD Lotarinë Shtetërore që të sigurojë nga dividenda e papërndarë e parashikuar për vitin 2024 shifrën prej 300,000,000 denarë (afër 5 milionë euro) për të sponsorizuar ngjarjet e përvjetorit.

Publikimi i procesverbalit ofron detaje zyrtare për mënyrën se si u përgatit thirrja për organizatorin dhe se si u përcaktua burimi i financimit, disa muaj pas marrjes së vendimeve të qeverisë dhe pas përfundimit të festimeve.

Foto: material shtypi nga ngjarja