Зара повлече детски костим за Ноќта на вештерките по критики за сличност со униформа од логор
Шпанската продавница ја повлече облеката откако критичари рекоа дека износениот дизајн и пришиените делови потсетуваат на униформи од нацистички логор.
Шпанскиот моден синџир Зара повлече од продажба детски костим за Ноќта на вештерките по критики дека дизајнот наликува на униформите што ги носеле затворениците во нацистичките концентрациони логори.
Костимот се состоеше од горен дел и панталони со сино‑бели вертикални пруги. Бил направен да изгледа износено и имал отпечатени шари кои потсетуваат на бодликава жица. Пришиените делови на ракавите асоцирале на броеви на затвореници.
Реакции на социјалните мрежи
Израелскиот новинар Дов Гил‑Хар во објава на мрежата Икс напиша дека "шпанскиот синџир ги згрозува своите купувачи во Европа со уште една кошмарна идеја, односно со костим во стилот на нацистичките концентрациони логори."
По критиките, Зара го повлече предметниот костим од продажба. Компанијата не објави дополнителни детали или официјална изјава за дизајнот и за одлуката.
Случајот повторно ја отвора јавната дебата за чувствителноста кон историските трауми кога големи трговски синџири пласираат предмети за масовен пазар.
Фото: Зара)
