Зеленски: Европа мора да биде дел од мировните преговори, додека борбите продолжуваат долж фронтот

Украинскиот претседател Володимир Зеленски вчера во Ирска се сретна со американските специјални пратеници Стив Виткоф и Џаред Кушнер, во рамки на напорите на Вашингтон за продолжување на мировните преговори за Украина.

Зеленски истакна дека Европа мора директно да учествува во идните преговори, бидејќи војната се води на европско тло, а нејзиното учество е важно и за безбедносните гаранции.

"Американската страна, американската група постигнаа напредок во однос на Европејците и ова е важно Европејците следниот пат, на следниот состанок, ќе бидат присутни за време на преговорите, како преговарачки тим, не на некој начин, не одделно, тие ќе имаат глас. Ова е важно за нас бидејќи војната е во Европа. Ние ќе бидеме членка на ЕУ во иднина и затоа е многу важно, а за просперитетот и за безбедносните гаранции е многу важно да ја имаме Европа. И мислам дека ова е многу важно – Володимир Зеленски, претседник Украјине ."

Кушнер потврди дека не може да се постигне мировен договор без присуство на европските земји на преговарачката маса и ја подвлече улогата на дипломатските контакти што американските претставници ги одржаа и со рускиот претседател Владимир Путин.

"Исто така, во изминатите неколку месеци соработувавме многу, многу тесно со Европејците. И мислам дека тоа беше многу важно. Не можеме да го склучиме овој договор без Европејците да бидат на масата. Му кажувавме на претседателот Путин дека веруваме дека тоа е многу важно, а претседателот Зеленски беше многу силен поддржувач и тоа го кажуваше од самиот почеток. И дека сме во можност да го постигнеме тоа со претседателот Путин и дека е подготвен да се обиде – Џаред Кушнер, специјален претставник на САД ."

Виткоф рече дека американските пратеници имаа „многу, многу добар и позитивен состанок во ОАЕ“ и најави најголемо ослободување на затвореници, додавајќи дека "најважно од сè, претседателот Трамп е решен да го предводи чекорот за завршување на оваа војна. Тоа се инструкциите за мене и Џаред. Затоа сме тука вечерва."

Дипломатски контакти и состаноци

Средбата во Ирска следува по разговорите на американските пратеници со Путин во Москва и средбата меѓу украинските и руските делегации во Абу Даби, Обединетите Арапски Емирати. Иако не беше постигнат значаен пробив, страните се договориле за голема размена на воени заробеници, чиј точен број сè уште не е објавен.

Рускиот претседател Владимир Путин одржа состанок на Советот за безбедност на Русија, на кој присуствуваа и членовите на руската преговарачка делегација што се врати од разговорите со украинските претставници во Абу Даби и ги замоли да ги споделат своите впечатоци и согледувања. Меѓутоа, и покрај продолжените дипломатски контакти меѓу САД, Русија и Украина, на терен продолжуваат борбите долж фронтот долг околу 1.200 километри.

Фото: прес-материјал од настанот