Зеленски побара Трамп да го убеди Маск да ѝ дозволи на Украина да користи „Старлинк“ против руски лансери
Зеленски го предложи користењето на „Старлинк“ за насочување напади врз руски ракети за време на таен состанок во Белата куќа на 28 јули.
Украинскиот претседател Володимир Зеленски побара од американскиот претседател Доналд Трамп да посредува кај милијардерот Илон Маск за да ѝ се овозможи на Украина да ја користи сателитската комуникациска мрежа „Старлинк“ при таргетирање на руски лансери на балистички ракети, според две лица запознаени со разговорот. Средбата се одржа зад затворени врати во Белата куќа на 28 јули.
Изворите велат дека Зеленски го поставил предлогот токму за време на средбата, но дека Трамп се воздржал и не дал конечен одговор, оставајќи ја темата отворена.
Што содржи новиот предлог
Предлогот, кој досега не беше објавен, според соговорниците би ѝ дал на САД начин да го избегнат испраќањето напредни системи за воздушна одбрана „Патриот“, чии залихи, како што велат функционерите, драматично се исцрпени од војната на САД во Иран.
Наместо дополнителни испораки на „Патриот“, идејата е Украина да ја прошири употребата на „Старлинк“, мрежа контролирана од Илон Маск, за да ги насочува своите беспилотни летала во напади врз руски лансери на балистички ракети.
Во врска со прашањето за „Патриотите“, Трамп изјавил: "Не сум сигурен дали треба да ѝ се дозволи на Украина да произведува ракети за „Патриот"." Функционерите кои присуствувале на разговорот велат дека не биле донесени итни одлуки.
Фото: EPA-EFE/JIM LO SCALZO / POOL