Земјотрес од 5,7 ги тресе Романија — две лица повредени
Епицентар во регионот Вранча; службите велат дека најголем дел од повиците биле од паника и нема пријавена поголема материјална штета.

Земјотрес со јачина од 5,7 степени според Рихтеровата скала ја потресе Романија во текот на ноќта, при што две лица се повредени откако во нивните станови се превртел мебелот, соопштија службите.
Службите за цивилна заштита наведуваат дека најголемиот дел од повиците до итните бројки биле поради напади на паника и дека засега не е пријавена поголема материјална штета.
Епицентарот и споредбата со 2018
Романскиот Национален институт за истражување и развој во областа на физиката на Земјата оцени дека ова е најсилниот земјотрес што ја погодил земјата по потресот со јачина од 5,8 степени во 2018 година. Епицентарот бил во регионот Вранча, во Источните Карпати, област каде што се регистрираат најголемиот број земјотреси во Романија.
Гласното предупредување од системот „Android" за известување за земјотреси разбуди дел од корисниците на паметни телефони; во известувањето била наведена превисока магнитуда – 6,5 степени, што предизвикало дополнителна паника и повеќе пријави до службите.
Последниот земјотрес со смртни последици во Романија се случи во 1977 година, кога потресот со јачина од 7,4 степени однесе повеќе од 1.500 животи и уништи околу 35.000 станови.
Фото: прес-материјал од настанот


