Жештината го притиска Пармиџино Регијано: повисоки трошоци и ризик за кредитите

Топлотните бранови во северна Италија ги зголемуваат трошоците за чување и созревање на Пармиџино Региано и го прават овој традиционален процес сè повлијателен за финансиската стабилност на производителите и кредиторите.

Кредито Емилијано (Кредем) уште од 1953 година прифаќа млади тркала сирење како залог за кредити, а преку својата подружница Магазини Џенерали деле Талијате ги складира и созрева огромните количини во магацини во Реџо Емилија и Модена. Во тие простории се чуваат повеќе од половина милион тркала со вкупна вредност поголема од 300 милиони евра.

Од фармата до банката

Моделот им овозможува на производителите да добијат меѓу 60 и 80 отсто од вредноста на сирењето однапред, додека Пармиџино Регијано мора да зрее најмалку 12 месеци — а најквалитетните тркала понекогаш остануваат во магацин и по две или три години пред продажба. Но, поинтензивните летни горештини ги зголемуваат сметките: за време на најжешките периоди потрошувачката на електрична енергија за ладење се зголемила за околу 30 отсто, што натера до вложувања во поефикасни системи за ладење, подобра изолација и производство од обновливи извори.

Проблемот не започнува во магацините, туку на фармите. Кога температурите се искачуваат кон 40 °C, кравите јадат помалку и се помалку активни, што може да доведе до пад на производството на млеко и до 10 отсто. Тоа директно се одразува на производството на Пармиџино Регијано, каде што правилата се исклучително строги: сирењето може да се произведува само во пет италијански провинции и исклучиво од млеко добиено според пропишани правила. Сушата дополнително ја намалува достапноста на трева и сено за исхрана на добитокот.

Влогот е голем — во 2025 година во Италија биле произведени околу 4,19 милиони тркала Пармиџино Регијано, со проценета потрошувачка вредност од околу 4 милијарди евра. Падот на приносот од млекото, зголемените трошоци за складирање и ладење и строгите производствени правила значат дека екстремната топлина е финансиски ризик по целиот синџир — од фармерите и млекарниците до банките што го користат сирењето како гаранција.

Делумно решение нуди модерната технологија: системи базирани на блокчејн им дозволуваат на земјоделците да го заложат сирењето додека тоа останува физички во нивните објекти, што им дава можност на банките да ја зголемат кредитната способност без секое тркало да мора да се префрли во банкарскиот магацин. Сепак, технологијата не ги отстранува трошоците поврзани со подолг период на созревање и ладење, и со се почестите топлотни бранови економскиот притисок врз секторот ќе расте.

Фото: Instagram/ parmigianoreggiano