Жичницата на Водно ќе биде во функција од следниот месец, најави Орце Ѓорѓиевски
Ѓорѓиевски вели дека кабините се темелно реконструираат, очекуваат пристигнување на моторот од репарирање и жичницата ќе остане затворена додека не биде докажано дека е безбедна.
Скопскиот градоначалник Орце Ѓорѓиевски најави дека жичницата на Водно се очекува да биде повторно ставена во функција од следниот месец, по завршувањето на работите за реконструкција и потребните безбедносни проверки.
На својот Фејсбук-профил тој информира дека во тек се активности за обновување на жичницата и темелна реконструкција на кабините, а очекува да пристигне и моторот кој е испратен на репарирање во странство.
Увид и констатирани недостатоци
Ѓорѓиевски посочи дека при увидот биле констатирани сериозни недостатоци, кои, според него, се последица на долгогодишно непримено на неопходните големи сервиси и редовно одржување од претходните раководства. Жичницата не е во функција од мај годинава.
Во неговите објави тој вели: „Беше потребен обемен и темелен зафат, занемаруван речиси една деценија. Затоа жичницата беше ставена вон функција. За мене, безбедноста на нашиот народ е пред сè. Тука нема компромис“.
Реконструкцијата, додаде градоначалникот, се спроведува со цел да се обезбеди безбедно возење и сигурна работа на жичницата, која ја оцени како едно од омилените скопски доживувања. „Го обновуваме она што со години било запоставувано. Со одговорност, со работа и со дела. Го враќаме сјајот на Скопје“, напиша тој.
Во мај, Ѓорѓиевски претходно изјави дека жичницата ќе остане затворена додека не се утврди дека е целосно безбедна за користење и нагласи дека е потребна целосна дефектажа и сервисирање, без да прецизира колку време ќе трае процесот.
Фото: Принтскрин
