11 marinarë të zhdukur pas fundosjes së anijes pranë bregut të Bullgarisë
Dy anije tregtare u goditën nga automjete ajrore pa pilot; Sofja thërriti ambasadoren ruse dhe Moska nuk ka komentuar.
Njëmbëdhjetë marinarë janë të zhdukur pasi një anije tregtare u fundos pas sulmit me automjete ajrore pa pilot pranë bregut të Bullgarisë, ndërsa bëhet fjalë për incidentin e dytë të këtillë në Detin e Zi brenda një jave.
Autoritetet bullgare njoftuan se dy anije tregtare u goditën nga dronë gjatë natës; njëra nga anijet u fundos. Ngjarja shtyri Sofjen që të thërriste ambasadoren ruse.
Tensionet rriten pas sulmeve
Presidenti Rumen Radev i tha ambasadores ruse se „rezultati i këtyre sulmeve i shërben Federatës Ruse.“ Moska nuk ka komentuar deri tani.
Zyrtarët bullgarë nuk akuzuan drejtpërdrejt Rusinë, duke thënë se hetimi vazhdon dhe se nuk ka prova përfundimtare për prejardhjen e mjeteve ajrore pa pilot.
Radev i tha ambasadores së Federatës Ruse në Bullgari, Eleonora Mitrofanova: "Vendi ynë nuk ka prova përfundimtare për origjinën e mjeteve ajrore pa pilot që përdoren në sulme, por nuk ka logjikë që Ukraina t'i shkatërrojë anijet e veta në Detin e Zi."
Foto: Bulfoto)
