20 пожари на отворено регистрирани, три сѐ уште активни
Три пожари се активни, два се под контрола, а 15 се изгаснати во изминатите 24 часа.
До 07:30 часот, на територијата на државата беа евидентирани вкупно 20 пожари на отворен простор, соопшти Центарот за управување со кризи.
Од нив, три пожари беа сѐ уште активни, два беа под контрола, а 15 беа целосно изгаснати.
Локации со активни и контролирани пожари
Активни пожари има во Кривогаштани, на релација с. Подвис – с. Кривогаштани, каде гори ниска вегетација; во Ресен, во с. Евла, каде гори ѓубре и ниска вегетација; и во Куманово, во с. Пчиња, каде исто така гори ѓубре и ниска вегетација.
Два пожара се пријавени како под контрола. Едниот е на подрачјето на Македонски Брод и Сопиште, кај с. Белица, во месноста Кајорец, со ширење кон Јасен и е зафатена нискостеблеста и мешана шума. Вториот под контрола е во Општина Ново Село, кај с. Бадилен, каде гори шума.
Во изминатото деноноќие беа изгаснати 15 пожари, меѓу кои и на подрачјата на Скопје, Битола, Дебар, Штип, Карбинци, Виница, Берово, Куманово, Ранковце и Тетово.
Центарот за управување со кризи продолжува да ја следи состојбата и да ги координира активностите со надлежните служби.
Фото: прес-материјал од настанот
