31 пожар во изминатото деноноќие, четири се сѐ уште активни

Центарот за управување со кризи соопшти дека во изминатото деноноќие, до 7:30 часот утрово, регистрирани се вкупно 31 пожар на отворен простор. Четири се сѐ уште активни, а останатите се изгаснати.

Четири активни пожари во Студеничани, Чашка и Липково

Првиот активен пожар е во општина Студеничани, помеѓу селата Драчевица и Цветово, на место викано „Калдиред“, каде гори ниска вегетација.

Во општина Чашка, во регионот на село Јаболчиште, на место викано „Биков Гроб“ гори букова и дабова шума, кривуљ и ниска вегетација.

Двајцата останати активни пожари се на територија на општина Липково: гори борова и нискостеблеста шума на место викано „Гури Ку“ во регионот на село Стрима, а во село Матејче е опожарена ниска вегетација.

Од изгаснатите пожари, три биле на прилепска територија, а по два во општините Виница, Врапчиште, Куманово и Могила. Останатите пожари биле регистрирани во регионите на општините Аеродром, Битола, Босилово, Василево, Гази Баба, Дебарца, Демир Хисар, Долнени, Кочани, Кратово, Македонска Каменица, Новаци, Сарај, Центар, Чаир и Штип.

Фото: прес-материјал од настанот