Агенција распишува ново електронско наддавање за три конфискувани станови во Водно

Агенцијата за управување со одземен имот објави ново електронско јавно наддавање за три конфискувани станови во скопското населба Водно, лоцирани на улица Тодор Александров број 79 во општина Центар. Државата неколкупати се обидувала да ги продаде овие станови, но досега не се појави купувач.

По неуспешните претходни обиди, имотите сега се нудат на второ повторено електронско наддавање, со законски намалена почетна цена за една четвртина.

• Апартман 47 — внатрешна површина 199 м2 и помошна просторија 48 м2; втор влез. Почетна цена: 39.066.030 денари (околу 635.220 евра).
• Апартман 2 — внатрешна површина 155 m2 и помошна просторија 95 m2 во сутерен; прв влез. Почетна цена: 35.034.244 денари (околу 569.660 евра).
• Апартман 48 — внатрешна површина 200 m2 и помошна просторија 48 m2. Почетна цена: 39.230.604 денари (околу 637.890 евра).

Разгледувањето на објектот беше организирано на 10 септември 2026 година и траеше еден час. Според објавата на Агенцијата, сите заинтересирани физички и правни лица треба да поднесат писмена пријава во затворен плик во архивата на Агенцијата најдоцна до 17 септември 2026 година до 14:00 часот.

Постапка за учество и датум на наддавање

Кандидатите треба да достават потребна документација, нотарски заверени изјави дека ги исполнуваат законските услови за учество и да уплатат гаранција во висина од 10 отсто од утврдената вредност на имотот. Самото електронско јавно наддавање ќе се одржи на 21 септември 2026 година преку официјалниот веб-портал на Агенцијата.

Распоредот за наддавање на 21 септември 2026 е: Апартман 47 од 09:00 часот, Апартман 2 од 11:00 часот и Апартман 48 од 13:00 часот.

Овие станови беа поврзувани со имотот запленет од поранешниот премиер Никола Груевски; тој неколку пати изјави дека не се работи за имот кој тој го поседувал и дека тоа е измислена приказна од неговите политички противници.

Фото: Агенција за управување со одземен имот