Ахмети: 2 Август нѐ потсетува дека слободата се гради на еднаквост, а не на надмоќ

Претседателот на ДУИ, Али Ахмети, во честитката по повод Денот на Републиката — 2 Август, повика на почитување на еднаквоста и упати жестоки критики дека земјата се оддалечува од инклузивните идеали на Крушевото и Охридскиот мировен договор.

Ахмети: слободата се гради на еднаквост, не на надмоќ

Во честитката тој истакнува: "2 Август нѐ потсетува на еден од најблагородните идеали на нашата заедничка историја – уверувањето дека слободата не се гради врз надмоќта на едните над другите, туку врз еднаквоста, почитта и соживотот." Духот на Крушево, напомена, бил повик за држава во која Албанците, Македонците и сите заедници ќе ја споделуваат одговорноста и заедничката судбина.

Ахмети изрази загриженост дека наместо приближување кон тој идеал, примерот се менува во спротивна насока. "– За жал, повеќе од еден век подоцна, наместо да му се приближуваме на тој идеал, ние се оддалечуваме од него. Наместо партнерство, повторно се враќа логиката на доминацијата, а наместо инклузивност, се продлабочува исклучувањето. Албанците сѐ повеќе се маргинализираат во државните институции, администрацијата, дипломатијата, безбедносниот сектор, правосудството, образованието, културата, здравството, економијата и во процесите на одлучување што ја определуваат иднината на државата," пишува во честитката.

Тој го поврза и Охридскиот мировен договор со наследството на Крушевскиот манифест и порача дека договорот се соочува со постојани обиди за поткопување.

Во својата проценка Ахмети наведе повеќе конкретни показатели кои, според него, упатуваат на загрижувачка насока: напади врз службената употреба на албанскиот јазик, укинување на механизам што гарантираше правична застапеност, нападите и слабеењето на механизмот за заштита од мајоризација, непочитувањето на реалноста утврдена со пописот, селективна правда и промовирање на моноетнички концепт на држава. Тој исто така ја критикуваше поддршката што, како што напомена, одредени албански претставници и ја даваат на овие политики.

Честитката завршува со повторување на, како што го нарече, определбата на Албанците: "– Ние избравме заедничка, унитарна, демократска и европска Северна Македонија, во која никој не се чувствува помалку вреден од другиот и во која државата подеднакво им припаѓа на сите нејзини граѓани. Тоа е патот што води кон праведна држава, цврсто втемелена во НАТО и интегрирана во Европската Унија. На овој симболичен ден, да се потсетиме дека иднината не се гради со поделби, страв или исклучување. Таа се гради така што оваа држава ќе ја гледаме не како сопственост на едните или на другите, туку како наша заедничка татковина. Само врз темелите на еднаквоста, меѓусебната почит и искреното партнерство можеме да изградиме силна држава и сигурна иднина за сите“ стои во честитката на Ахмети.

Фото: прес-материјал од настанот