Албанија: 21 пожар за 24 часа, 11 се активни

Министерството за одбрана на Албанија соопшти дека во последните 24 часа во земјата се регистрирани 21 пожар: 11 се активни, пет се под надзор, а исто толку се изгаснати.

Според службеното соопштение, операциите за гаснење продолжуваат и се концентрирани на повеќе локации каде што е ризикот од повторно ширење на огнот.

„Стотици оперативни сили, противпожарни возила и персонал на вооружените сили се ангажирани на терен, додека операциите се поддржани и од хеликоптери и авиони за гаснење на пламените јазици. Ситуацијата е особено проблематична во некои области на Фиер, Скадар, Мат и Дајти“, стои во соопштението.

Опрема и човечки ресурси

Во гаснењето биле вклучени 587 локални оперативни сили и 52 противпожарни возила, како и 550 припадници на армијата и 7 армиски противпожарни возила.

Воздушна поддршка била обезбедена од 4 хеликоптери и 1 авион „Ер Трактор“. Владините екипи наведуваат дека приоритет е заштитата на населени места и спречување на нови жаришта.

Фото: прес-материјал од настанот