Алта банка Битола: НБРМ и влада најавуваат продажба, експертите предупредуваат на стечај

Случајот со Алта банка – филијалата во Битола останува во правна и политичка неизвесност додека регулаторот и власта најавуваат продажба, а дел од економските експерти го опишуваат како сценарио што побрзо ќе заврши со стечај. Владата и Народната банка на РСМ уверуваат дека има заинтересирани купувачи и дека банката нема да оди под стечај, но аналитичарите предупредуваат на правни компликации поради поврзаноста со сопственик кој е регистриран во Србија.

Мултинационални правни нити

Економскиот аналитичар Славко Лазовски во јавни настапи посочи дека според законот за стечај на Србија и според нашиот закон, имотот на банка ставена под стечај го опфаќа и онај имот кој се наоѓа во друга држава и дека тоа може брзо да доведе до иницирање постапки од српските стечајни органи за имотот впишан на Алта банка Битола.

„Имотот на Алта банка под стечај се става под стечај e и оној имот кој е во земјава. Така пишува и во законот за стечај на Србија и во наши закон. Отворената стечајната постапка се однесува за целокупниот имот било каде да е тој. Така да многу брзо стечајниот управник и стечајниот судија од Србија сигурно ќе побараат спроведување на стечајна постапка на имот кој е внесен во Слта банка Битола – Славко Лазовски- економски аналитичар.

Лазовски посочи и дека ако банката заврши под стечај, обештетувањето на депонентите со депозити над 30 илјади евра најверојатно ќе зависи од државата и ќе се покрие од буџетски средства.

„Ако банката отиде под стечај, за да се обештетат луѓето кои имаат депозити над 30 илјади евра Лазовски смета дека државата ќе го прави тоа и со пари од буџетот кој го полнат и граѓаните и фирмите.

Во ваква голема афера, ова е веќе афера од европски рамки дека владата и монетарните власти а и финансискиот врв во земјава се ќе сторат да ги обештетат граѓаните сите тие граѓани и физички лица кои се оштетени во оваа афера и тоа ќе падне на грбот на сите нас односно сметката ќе биде поднесена пред буџетот. Лесно е тоа да се изменат закони дури и ако треба ќе се донесе специјален закон, можат тоа да го направат и дека нема да бидат оштетени депонентите и граѓаните кои вложиле свој пати во Алта Битола, туку ќе бидеме оштетени сите ние затоа што буџетот ќе биде тој кој ќе ја надополни оваа штета – Лазовски.

Од Народната банка во јавни објаснувања вицегувернерката Ана Митревска ја појасни процедурата за продажба на акции што припаѓаат на странски сопственик или на стечајниот управник.

„НБРМ дава определен рок на акционерот во овој случај стечајниот управник за продажба на акции и доколку акциите не се отуѓат, во тој случај стечајното лице односно стечајниот управник во овој случај има должност да и даде овластување на народната банка да ја изврши продажбата – – Ана Митревска – вицегувернер на НБРМ.

Народната банка засега не потврди дали има добиено формално известување или согласност од српските власти што би овозможило продажба на банката чиј краен сопственик е во Србија. Во меѓувреме регулаторот и владата тврдат дека се во преговори со потенцијални купувачи, додека аналитичарите предупредуваат дека евентуално пресметката за штетите може да падне на буџетот и на сите граѓани.

Фото: прес-материјал од настанот