Август 2026: екстремно топло и за 67 отсто помалку врнежи од просекот
Просечните температури беа значително над просекот за 1991–2020, додека месечните врнежи беа 67 отсто под нормалата.
Август 2026 беше екстремно топол и претежно сушен во најголемиот дел од земјата, според мерењата од метеоролошките станици и нивната споредба со просечните вредности за периодот 1991 - 2020 година.
Клучни параметри
Средномесечните температури се движеле од 21 Целзиусов степен во Берово до 28,4 степени во Демир Капија. На ниво на целата држава просечната температура во август била 2,7 степени над просекот за периодот 1991 - 2020.
Највисоката максимална температура измерена во месецот изнесуваше 41,6 степени и е регистрирана на 22 август во Гевгелија. Најниската минимална температура од 5,7 степени била забележана во Берово на 16 август.
Во текот на август имало 27 тропски денови и долгорочен топлотен бран, при што средномесечните температурни вредности биле повисоки од просечните на целата територија.
Врнежите биле под просекот во поголемиот дел од земјата: месечните количини се движеле од 0 милиметри во Скопје - Зајчев Рид до 63 милиметри во Берово. Најголемото дневно количество врнежи од 44 милиметри е измерено во Берово на 24 август.
И покрај генералната суша, во некои денови имало локални бурни атмосферски појави со поројни врнежи, град и силен, на места и оркански ветер.
Во однос на августовската просечна вредност за многугодишниот период 1991 - 2020, измерената месечна количина врнежи била за 67 отсто помала од просечната на ниво на држава.
Фото: прес-материјал од настанот
