Бојан Илиевски настапи на свадбата на синот од професорот во Тетово

Победникот на музичкото шоу „Ѕвездите на Гранд“, Бојан Илиевски, деновиве настапи на свадбена прослава во Тетово која за него имаше посебно емотивно значење. Настапот беше на свадбата на синот на неговиот поранешен професор, со кого, како што рече, останал во одлични односи и по завршувањето на училиштето.

На социјалните мрежи објави фотографии и видеа од атмосферата, а обожавателите го поздравија изборот да ја збогати веселбата со својата музика. Сликите покажаа насмеани гости, полна сала и интензивна енергија од бината.

“Денес се дружиме со мојот професор Владо Србиновски, неговиот син Нинослав и снаата Наташа на свадба. Венчавка полна со позитивна енергија и многу големи луѓе. Ви благодарам многу”, порача Илиевски.

Пејачот кажа дека за него било голема чест да биде дел од семејниот настан и додаде дека целото славје било многу емотивно.

Од тешката лична приказна до победничката песна

Додека се натпреваруваше во „Ѕвездите на Гранд“, само најблиските знаеја за тешките моменти кои го следат младиот пејач. Во интервјуто за емисијата „Кафе муабети“ на јутјуб-каналот Glamur, Илиевски откри дека ги загубил родителите и опиша тешки периоди по таа загуба.

Тој со големи емоции се присети на последната средба со мајка му во Словенија во 2021 година, непосредно пред таа да почине по долга и тешка болест. Објасни дека ветувањето дадено на неа станало негов главен поттик да не се откаже од музиката. Во разговорот тој го спомена и влијанието на Саша Поповиќ, поддршката од менторот Ѓорѓе Давид и денот кога неговата баба излезе пред камерите, моменти што придонесоа за емотивниот одзив на публиката.

Фото: прес-материјал од настанот