Боки 13 револтиран: малку познати на поменот на Марина Туцаковиќ

На Новите гробишта во Белград се одржа петгодишен помен во чест на легендарната текстописка Марина Туцаковиќ. На настанот, меѓу познатите имиња кои со години ги пеат нејзините песни, освен нејзиниот сопруг Александар Радуловиќ – Фута, присутни беа само Данијел Павловиќ и македонскиот шоумен Бојан Јовановски – Боки 13.

Боки 13 пристигна од Скопје и јавно ги искажа своето разочарување и огорченост од отсутноста на многу естрадни ѕвезди кои пред камерите зборувале колку ја почитуваат и недостасува Марина.

Како што рече пред медиумите: „Дојдов од Скопје, а сите овие луѓе живеат тука, на една минута од гробиштата. Кога даваат изјави пред камерите, сите зборуваат колку им недостасува Марина, а денес ги нема. Тоа е големо лицемерие и срамота. Каде е Ана Николиќ, која ѝ беше миленичка? Каде се останатите?“

Тврди дека нема несогласувања со Фута

Јовановски ги демантираше и гласините за наводни несогласувања со сопругот на Марина: „Јас и Фута во кавга? Никогаш во животот. Ние сме семејство, тука не постои никаков проблем. Ни стотина Цеци не можат да ме скараат со Фута“, дециден беше тој и посочи дека поп-дива Јелена Карлеуша минатата година испратила цвеќе и дека таа би дошла доколку односите со Фута биле поинакви.

Посетата на гробиштето беше емотивен момент за Боки, кој во повеќе наврати зборувал за посебната врска што ја имал со Марина и нејзиниот син Милан – Лаќа. Пред присутните тој во солзи ја опиша атмосферата на семејниот одмор и го искажа своето почитување кон авторката.

„Кога ќе го погледнете оној гроб – мајка со двата сина, со Милош и Лаќа, тоа е морбидно и претажно. Марина беше најпозитивната жена која никогаш не ги делеше луѓето, исклучително интуитивна и жена која ја познаваше човечката суштина и можеше да направи хит за миг“, во солзи и тага рече македонскиот шоумен.

Исто така, тој потсетуваше дека Милан го посетил додека тој бил во болница само неколку дена пред да биде пронајден мртов во Израел. Како што изјави во порано емитуван подкаст: „И за Марина и за Фута и за Лаќа моето срце засекогаш ќе биде нивно. Десетина дена пред да почине, Лаќа (синот на Марина Туцаковиќ) ме посети во болницата, по десетина дена настрада. Ние имавме посебен вајб. Многу убави зборови кои цел живот ќе ги помнам ги слушнав од Марина, а една од нив е ‘Ќе биде тоа што ќе биде’“.

Марина Туцаковиќ почина на 19 септември 2021 година по долга и тешка борба со рак, на 67-годишна возраст. Таа ја остави зад себе семејството, вклучително сопругот Александар Радуловиќ – Фута; нејзиниот син Милан (Лаќа) почина приближно една година по нејзината смрт. Претходно во нејзиниот живот се случи и трагедијата со смртта на синот Милош, кој почина на 24-годишна возраст.

Фото: прес-материјал од настанот