Лила Филиповска: нејзината сестра Марина живее во Шведска

Атрактивната водителка Лила Филиповска го чува својот приватен живот далеку од очите на јавноста, но она што малкумина го знаат е дека има сестра – Марина – која живее со семејството во Шведска.

Лила е родена во Гетеборг и таму живеела до своите 12 години; токму тоа детство во Шведска често се појавува во нејзините спомени и објави, а врската со семејството од таму останала блиска.

Марина ретко се експонира во медиумите, но Лила одвреме-навреме ја посетува и споделува фотографии и сцени од тие посети. На една од објавите таа ја покажа и просторијата во која некогаш живееле и дворот каде си играле како деца — „Дворот на едно безгрижно детство”.

Од медицинска сестра до телевизиска ѕвезда

Лила неодамна го прослави својот 55 роденден; родена е во Гетеборг на 15 октомври 1971 година. Нејзините професионални почетоци не биле пред камерите — таа прво работела како медицинска сестра-негувателка, а потоа ги направила првите водителски чекори во МТВ.

Малкумина се сеќаваат дека се занимавала и со музика: има дуети со Александар Блажевски („Само љубовта“) и Крумислав Мишко Барзов („Земјотрес“) и неколку соло песни како „Ти верував до крај“, „Сонувам“ и „Кам, бејби кам“. По разводот со тогашниот сопруг Орце Димитровски и по нивниот заеднички настап на фестивалот „Охридски трубадури“, таа ја напушти музичката кариера и се посвети на телевизијата.

За јавната експлозија на нејзината популарност се заслужни квизот „Енигма“ и низа забавни емисии и ток-шоуа, а во последните десетина години таа е заштитно лице на популарниот квиз „Сè или нешто“ на ТВ Сител. По подолга пауза, во 2021 година се врати на музичката сцена со дуетот „Тешко мене со тебе“ со Филип Пешевски, а публиката често ја гледа и во рекламни спотови, меѓу кои и оние со фитнес-моделот Стефан Спирковски.

Фото: прес-материјал од настанот