Цеца бара греалка: жирито се смрзнува на снимањата на „Ѕвездите на Гранд“

Првиот круг од регионалното музичко шоу „Ѕвездите на Гранд“ официјално заврши, но внимание привлече она што се случуваше зад сцената: членовите на жирито се пожалија дека на снимањата буквално им е студено поради недостаток на греење во студиото во Кошутњак.

Цеца објави видео и побара греалка

Светлана „Цеца" Ражнатовиќ сподели кратко видео од сетот во кое кажа дека жирито „се смрзнува“ бидејќи во студиото немало греaње. Во видеото таа ја кажа точната реченица: „Еве, вака е во 'Гранд'. Се смрзнуваме. Јас се загревам и догревам за да не бидам пингвин. Сања, ти студи ли, мацо?“

Сања Вучиќ на снимката кратко одговори: „Многу.“ Во размена на шеги, колегите го поткачија и Кеба дека се прави оти не му е ладно. Според објавите, Цеца итно побарала од продукцијата да ѝ обезбедат греалка за да може да го продолжи снимањето.

И други членови на жирито се пожалија на ниските температури: Дара Бубамара изјави дека е напорно да се снима три дена по ред во таков студ, а рокерот Ѓорѓе Давид дојде на снимање во топла тренерка за полесно да ја поднесе промајата во студиото.

Иако на снимањата надвор беше студено, на сцена во последната, осма емисија од првиот круг се случуваше спротивното — настапите предизвикаа силни емоции и аплаузи. Жирито ги избра најдобрите кандидати кои веќе од следниот викенд ќе настапуваат во вториот круг.

Посебно внимание во емисијата привлече македонската кандидатка Габриела Ристовска. Таа настапи со изведба на најпознатата песна од Пепи Бафтировски и се појави во елегантен бел комплет закопчана до грло. Воодушевената Цеца ѝ упати пофалби со зборовите: „Сценична е. Ја сака сцената и сцената ја сака неа. Убава е, атрактивна е. Иако си закопчана од петици до грло, тоа нема врска – тој сексапил жената го носи во себе. Или го имаш, или го немаш. Некои жени можат и голи да шетаат и ништо, а ти си жив доказ дека кога жената ја има таа вродена женственост, тоа е тоа.“

Фото: прес-материјал од настанот