Цеца ја изгуби трпението сред снимање на „Ѕвездите на Гранд“ поради Ѓорѓе Давид

За време на снимањето на популарното шоу „Ѕвездите на Гранд“, фолк-ѕвездата Светлана Цеца Ражнатовиќ отворено ја изгуби трпението откако колегата од жирито, Ѓорѓе Давид, повеќепати ѝ пресече збор.

Во моментот кога тензијата порасна, Цеца му се обрати со повишен тон и рече: „Ѓорѓе, зборувам! Секој пат кога зборувам, ти ми влегуваш во збор, човече! Ти си единствениот што ми влегуваш во збор, ти не обрнуваш внимание“. Давид, очигледно изненаден, возврати со прашањето „Јас, единствен?"

Кратко олеснување од колега

Напнатоста делумно се разлади кога Драган Стојковиќ Кеба вкрсти забелешки што го насмеа целото студио, а водителот Воја Недељковиќ го нарече „Пера ложач“, што предизвика дополнителна реакција од публиката.

Инцидентот следуваше по новите бурни реакции во македонската јавност поради изјавата на Давид дека антологиската македонска песна „Дали чекаш стара мајчице“ од незаборавниот Гоце Арнаудов е „стара бугарска песна“, што предизвика голема полемика.

По таа изјава, Давид се огласи на социјалните мрежи и се извини: „На сите од Македонија им се заблагодарувам што ми пишаа и што ми објаснија дека немам точна информација. Јас најпрво им се извинувам на браќата Барбаровски кои ја напишале оваа песна… Немојте да се жештите, сите знаат колку ја сакам Македонија, така што на секој може да му се случи грешка“, изјави Давид.

Овој настан повторно покажа дека шоуто често создава неочекувани моменти и дека прашањата за музичкото наследство и респектот кон македонската песна остануваат чувствителна тема.

Фото: прес-материјал од настанот