Цените на маслиновото масло под закана од климатските екстреми

Екстремните топлотни бранови, долготрајната суша и шумските пожари веќе го намалуваат земјоделското производство во голем дел од Европа и создаваат ризик од повторно поскапување на храната, вклучувајќи го и маслиновото масло, предупредуваат стручњаците.

Намалени приноси и раст на трошоците

На удар се маслиновите насади во Шпанија, Италија, Грција и Португалија: производителите предупредуваат дека комбинацијата од високи температури и недостаток од вода може да ја ослаби оваа годинашна жетва. Дури и дрвјата што не биле директно зафатени од оган се соочуваат со штети од чадот и пепелта, а во услови на топлотни бранови полесно се шири и штетници и болести.

Намалените приноси и повисоките трошоци за производство не ги погодуваат само маслинките. Земјоделците во голем дел од Европа пријавуваат намалувања кај пченката, пченицата и низ голем број зеленчукови култури. Европската Унија ги ревидираше прогнозите: очекуваниот принос на сончоглед е намален за седум проценти, додека прогнозите за пченицата се намалени за шест проценти.

Во Франција производителите предупредуваат дека се изгубени илјадници тони зеленчук во вредност од десетици милиони евра; најпогодени се зелена салата, морковите, празот, лукот и кромидот, а кај некои култури се очекува приносот да се преполови поради недостигот од дожд. Во Шпанија, најголемиот европски производител на маслиново масло, продолжената суша останува сериозна закана за производството.

Во региони како Шампањ, Бордо и Бургундија високите температури го забрзале зреењето на грозјето, па производителите очекуваат една од најраните берби досега. Во Велика Британија трговските синџири веќе го зголемуваат увозот на производи како зелена салата и брокула, бидејќи домашните залихи се погодени од сушата.

Експертите предупредуваат дека ако екстремните временски услови се задржат, наесен може повторно да се зголемат цените не само на маслиновото масло, туку и на зеленчукот, житарките, виното и други прехранбени производи. Исто така, вниманието останува насочено и кон контролите во секторот — на пример, беше објавено ВИДЕО: Запленети 260 тони лажно маслиново масло.

Фото: Unsplash