Црквата го одбележува споменот на Свети Захарија и Елисавета, молитва за заштита

Македонската православна црква – Охридска архиепископија денес го одбележува споменот на пророкот Захарија и неговата праведна сопруга Елисавета, кои традицијата ги именува како родители на Свети Јован Крстител.

Според црковното предание, Захарија бил првосвештеник во храмот во Ерусалим, а Елисавета била сестра на Света Ана, мајката на Пресвета Богородица. Иако веќе во длабока старост и без деца, преку Божја волја и со откровение од архангелот Гавриил тие го добиле малиот Јован.

Преданијата раскажуваат дека во времето на Иродовото гонење и масакрот на децата во Витлеем, Елисавета со малото дете избегала во пустината. Кога ги здогледале војниците, планината се отворала и карпата ги скрила за да спасат.

Молитва за заштита и спасение

На денешниот голем празник верниците традиционално се молат со тропарот кој гласи:

„Со свештеничката одежда заштитен, премудри Захарие Божји, жртва благопријатна свештено си принесувал, бивајќи свештеник и тајновидец, знаменија во тебе Божјата благодат јасно покажа. Со меч убиен беше во Божјиот храм ти, Христов пророче, моли се со Претечата да се спасат нашите души.“

Црковните извори посочуваат дека Захарија ја одбил наредбата да ја открие локацијата на својот син и поради тоа бил убиен пред олтарот во храмот по наредба на Ирод.

Покрај Захарија и Елисавета, денеска се чествуваат и мачениците Јувентин и Максимин, храбри војници кои го осудија гонењето под царот Јулијан Отстапник и загинаа маченички; светите Седумдесетмина маченици, кои биле запалени на брод по наредба на царот Валент заради одбрана на Православието; и преподобниот Атанасиј Брестски, игумен кој пострадал маченички во 1648 година зачувајќи ја чистата православна вера.

Фото: прес-материјал од настанот